«Մեծ գաղափարների մարտահրավեր» տեսանյութերի մրցույթին կարող են մասնակցել Բրիտանական խորհրդի «Ստեղծարար միտք» ծրագրին մասնակից հաստատությունների ներկայացուցիչները, որոնք հանդես կգան ստեղծարար ոլորտին առնչվող ստարտափ նախագծերով: 

Եթե «Ստեղծարար միտք» ծրագրի շահառու հաստատության ուսանող եք, շրջանավարտ կամ երիտասարդ ձեռներեց, ապա կարող եք դիմել մինչև 25,000 բրիտանական ֆունտ արժողությամբ մրցանակին ձեր գաղափարն իրագործելու համար: Հաջողակներին սպասվում է նաև ուղևորություն դեպի Լոնդոն: Մրցույթին կարող են մասնակցել ինչպես անհատներ, այնպես էլ մինչև երեք հոգուց բաղկացած թիմեր: 

Հայտերը պետք է ներկայացվեն հետևյալ անվանակարգերում՝

  1. Թվային տեխնոլոգիա
  2. Սոցիալական ազդեցություն 
  3. Ստեղծարարություն

Ներկայացվող  գաղափարները կարող են վերաբերել հավասարապես բիզնես ձեռնարկության ստեղծման, ստեղծարար նախագծի իրագործման կամ պարզապես աշխարհն ավելի լավը դարձնելուն ուղղված նախագծերի: 

Ինչպե՞ս դիմել

Եթե ունեք գաղափար, որը ցանկանում եք ներկայացնել կարճ տեսանյութի միջոցով, այցելելք մրցույթի կայքէջ և ծանոթացեք հայտերի ներկայացման պայմաններին: Մրցույթին մասնակցելու դիմումներն ընդունվում են մինչև 2019 թ-ի հունիսի 9-ը: 

Մրցույթի վերաբերյալ հարցերի դեպքում խնդրում ենք դիմել մեր ծրագրային թիմին կամ Բրիտանական խորհրդի տեղական գրասենյակ: