Date
Չորեքշաբթի 14. Հոկտեմբեր 2015. - 12:02 մինչև Երկուշաբթի 07. Դեկտեմբեր 2015. - 18:00
Վայր
Երևան

Բաց մրցույթ

Ճանաչողական այց և գործընկերության ծրագիր Լեհաստանի հետ ԵՄ Արևելյան գործընկերության մշակույթի և ստեղծարարության ծրագրի շրջանակում

Վերջնաժամկետ՝ 2015թ․ դեկտեմբերի 7 

Հայաստան, Ադրբեջան, Բելառուս, Վրաստան, Մոլդովա, Ուկրաինա 

Եվրոպական Միության Արևելյան գործընկերության մշակույթի և ստեղծարարության ծրագիրը հրավիրում է մշակութային ու ստեղծարարական ոլորտների կազմակերպություններին Արևելյան գործընկերության վեց երկրներից՝ դիմելու ճանաչողական այցին և մասնակցելու գործընկերության ծրագրին: Ընտրված վեց կազմակերպությունները կվերապատրաստվեն և կաշխատեն նախապես ընտրված լեհական վեց գործընկերների հետ 2016 թվականի գարնանը՝ երկարաժամկետ մշակութային համագործակցության զարգացման նպատակով։ Այցը կհյուրընկալվի Լեհաստանի մշակույթի ազգային կենտրոնի կողմից, և մասամբ կանցկացվի Վրոցլավում՝ 2016 թվականի մշակույթի եվրոպական մայրաքաղաքում:

Այս ծրագրի նպատակն է նախնական խթան հանդիսանալ մի շարք երկարաժամկետ գործընկերությունների՝ Լեհաստանի և Արևելյան գործընկերության երկրների մշակութային ու ստեղծարարության ոլորտներում ակտիվ կազմակերպությունների միջև: Այդ գործընկերությունները կխրախուսեն հարաբերություններն ու փոխանակումները Լեհաստանի և Արևելյան գործընկերության կազմակերպությունների միջև, ինչպես նաև փոխադարձաբար կօգնեն միմյանց արագացնել իրենց մասնագիտական զարգացումը: 

Ծրագիրը կբաժանվի ենթաոլորտների, և գործընկերային գործունեությունը կարող է ներառել կարողությունների զարգացման փոխադարձ ծառայություններ, ինչպիսիք են ուսուցումը, «հավասարը հավասարին» սկզբունքով կրթական միջոցառումները և հատուկ թեմաներով համաժողովները: 

Ծրագիրը կհոգա ճանաչողական այցի ծախսերը։ Իրենց հետագա համագործակցության հետ կապված ծախսերը մասնակից կազմակերպությունները Լեհաստանում և Արևելյան գործընկերության երկրներում պետք է իրենք հոգան: 

Աշնանը ԵՄ Արևելյան գործընկերության մշակույթի և ստեղծարարության ծրագրի ազգային համակարգողը յուրաքանչյուր երկրում կկազմակերպի փոքր երեկոյան ընդունելություն և կիրականացնի «վիրտուալ ճանաչողական այց» լեհական վեց գործընկերների հետ։ Միջոցառմանը դիմորդները հնարավորություն կունենան ավելին իմանալ յուրաքանչյուր լեհական կազմակերպության ծրագրերի և հետագա գործունեության վերաբերյալ: Ընդունելության ընթացքում կարող եք նաև հարցեր տալ ճանաչողական այցի և, ընդհանրապես, ծրագրի վերաբերյալ։ Մանրամասների համար այցելե՛ք ծրագրի ֆեյսբուքյան էջը՝ www.facebook.com/culturepartnership, ինչպես նաև կայքը՝ http://www.culturepartnership.eu/ :

Մասնակցության չափանիշներ 

Դիմորդները կարող են լինել կառավարության կողմից ֆինանսավորվող պետական մշակութային հաստատություններ, մասնավոր և առևտրային մշակութային կազմակերպություններ, քաղաքացիական հասարակության կազմակերպություններ, ինչպես նաև մշակույթի և ստեղծարարության ոլորտներում ներգրավված հասարակական կազմակերպություններ։ 

Ինչպե՞ս դիմել :

Հետաքրքրված կազմակերպությունները կարող են դիմել էլեկտրոնային եղանակով՝ ներբեռնելով հայտադիմումի ձևը և ուղարկելով Armenia@culturepartnership.eu հասցեին:

Լրացուցիչ տեղեկությունների համար այցելե՛ք․ 

Արևելյան գործընկերության մշակույթի և ստեղծարարության ծրագրի կայք՝ www.culturepartnership.eu և ֆեյսբուքյան էջ՝ www.facebook.com/culturepartnership,

 

ինչպես նաև Լեհաստանի մշակույթի ազգային կենտրոնի կայք՝ http://www.nck.pl։