Date
Ուրբաթ 05. Հոկտեմբեր 2018. դեպի Կիրակի 07. Հոկտեմբեր 2018.
վայր
<<Անի Պլազա>> հյուրանոց

Բրիտանական խորհրդի հայաստանյան մասնաճյուղն ուրախ է հայտարարել, որ 2018թ.-ի ուսուցիչների վերապատրաստման ծրագրի շրջանակներում Հայաստանում կհյուրընկալվի հանրաճանաչ գրող և բանախոս, ուսուցիչներ վերապատրաստող անվանի մասնագետ Փեննի Ըրը: Վերջինս հոկտեմբերի 5-ից 7-ը Հայաստանում անգլերեն դասավանդողների համար կվարի դասախոսություններ: 

Օրակարգ՝

Փեննի Ըրը կվարի հետևյալ հինգ դասախոսությունները, որոնք տեղի կունենան Անի Պլազա հյուրանոցում: Յուրաքանչյուր դասախոսության հիմնական դրույթներն հասանելի են ստորև կցված փաստաթղթում: 

Օր Ժամ Թեմա
Ուրբաթ
5 հոկտեմբեր
19.00–20.30 Որտեղի՞ց ենք մենք գալիս: 
Անգլերենի դասավանդման մեթոդաբանությունը
Շաբաթ 
6 հոկտեմբեր
12.00–13.15 Հետազոտությունը և լեզվի ուսուցիչը
14.15–15.30 Քննադատական մտածողությունը լեզվի ուսուցման մեջ: 
Քննդատական մտածողության հմտություններ
Կիրակի 7 հոկտեմբեր 11.00–12.15 Տարբեր ունակություններ ունեցող անձանց դասավանդում 
13.15–14.30 Իմ 30 հիմնական խորհուրդները դասավանդման վերաբերյալ

Փեննի Ըրի մասին

Փեննի Ըրը ծնվել է Միացյալ Թագավորությունում, ավարտել է Օքսֆորդ և Քեմբրիջ համալսարանները և 1967 թվականին տեղափոխվել Իսրայել: Նա ունի 35 տարվա դասավանդման փորձ որպես անգլերենի ուսուցչուհի տարրական, միջին և ավագ դպրոցներում: Բացի այդ, անցկացրել է բակալավրի և մագիստրատուրայի դասընթացներ Օրանիմի ակադեմիական դասավանդման  քոլեջում և Հայֆայի համալսարանում: Նրա հիմնական ուղղվածությունն անգլերենի արդյունավետ դասավանդման գործնական ասպեկտներն են, որոնց շուրջ նա անցկացրել է դասախոսություններ և սեմինարներ ուսուցիչների վերապատրաստման հայտնի կոնֆերանսներում, ինչպիսիք են TESOL, IATEFL և այլն: 

2013 թվականին Փեննի Ըրը պարգևատրվել է անգլերենի դասավանդման ոլորտում տրբողOBE շքանշանով:Իրհեղինակությանն են պատկանումՔեմբրիջհամալսարանի կողմից հրատարակվածPress''Grammar practice activities''(2-րդ հրատարակություն) (2009 թ.), ''Vocabulary activities''(2012 թ.), ''A course in English language teaching''(2012 թ.), ''Discussions and more''(2014 թ.), ''Penny Ur’s 100 teaching tips''(2016 թ.) գրքերը:

Մասնակցությունը

Բոլոր դասախոսությունները բաց են հետաքրքրված ուսուցիչների ու մանկավարժների համար: 

Միջոցառման մուտքն անվճար է: Հարկավոր է գրանցվել նախապես՝ լրացնելով մեր առցանց գրանցման ձևաթուղթը: Խնդրում ենք այցելել կայքը, նշել Ձեր տվյալները, ինչպես նաև, որ դասախոսություններին եք ցանկանում մասնակցել: 

Գրանցման ժամանակ, գաղտնաբառի հարցրման դեպքում խնդրում ենք հետևել ստորև ուղեցույցին (Առցանց գրանցման ուղեցույց): 

Գրանցման վերջնաժամկետը ս.թ. նոյեմբերի 17-ի կեսօրին, ժամը՝ 12:00-ն:

  • Կարևոր նկատառում 1. Բոլոր դասախոսություններն անցկացվելու են անգլերենով:
  • Կարևոր նկատառում 2.  Քանի որ միջոցառման սրահների տարածքը սահմանափակ է, նախատեսված գրանցումների թիվը գերազանցելու դեպքում առաջնահերթություն կտրվի ավելի վաղ ժամանած մասնակիցներին: 

Մասնակցության վկայական՝

Բոլոր մասնակիցները կստանան մասնակցության վկայական Բրիտանական խորհրդի կողմից՝ Փեննի Ըրի ստորագրությամբ:  
 
Յուրաքանչյուր մասնակից կստանա մեկ վկայական՝ անկախ այցելած դասախոսությունների թվից: Մասնակցած անվանումները նշված կլինեն վկայականի վրա: Վկայական ստանալու համար յուրաքանչյուր գրանցված դասախոսությանը մասնակցությունը պարտադիր է:

Միջոցառման օրերին՝

Գրանցված բոլոր մասնակիցները պետք է այցելեն միջոցառման վայրը դասախոսությունը սկսվելուց առնվազն 30 րոպե առաջ տեղում արագ վերագրանցվելու համար: 

Դասախոսությունները սկսվելու են ուղիղ նշված ժամերին:  

Տարածքի հասանելիությունը՝ 

Միջոցառման անցկացման համար ընտրված վայրը  հասանելի է անվասայլակով տեղաշարժվող անձանց համար: