Ալեքսանդր Դովժենկոյի ազգային կենտրոնի հետ համատեղ մենք հայտարարում ենք դիմումների բաց կանչ՝ մասնակցելու «Envision Sound»-ի երրորդ փուլին, որը ֆիլմի համար երաժշտություն (սաունդթրեք) գրող կոմպոզիտորների համար նախատեսված կրթական ծրագիր է: Ստեղծարար աշխատանոց, դասախոսություններ, գործարար կապերի հաստատում, տեսաձայնային ոլորտից մասնագետների հետ անհատական խորհրատվություն, ինչպես նաև երեկոյան ֆիլմերի դիտում ներառող ծրագիրը տեղի կունենա Կիևում՝ 2020 թվականի հունվարի 20-24:

«Envision Sound 2019–20» բաց է այն կոմպոզիտորների համար, որոնք ցանկանում են բարելավել ֆիլմերի երաժշտություն գրելու իրենց հմտությունները, ընդլայնել մասնագիտական հորիզոնները և ավելի լավ հասկանալ համաշխարհային տեսաձայնային արտադրությունը: Ծրագրի խորհրդի հետ համատեղ, մասնակիցները կուսումնասիրեն ֆիլմերի համար գրվող երաժշտությունների հնարավորություններն ու մարտահրավերները և կաշխատեն սեփական սաունդթրեքերը ստեղծելու վրա՝ արխիվային ժապավենների կամ արտադրության ընթացքի մեջ գտնվող ուկրաինական ֆիլմերի համար:

Նախորդ տարվա խորհրդատուների ցուցակը ներառում է Միացյալ Թագավորութունում այնպիսի պահանջված կոմպոզիտորների, ինչպիսիք են Մայլք Փրայսը (BBC-ի նկարահանած «Sherlock»-ի երաժշտության համահեղինակ և Emmy մրցանակակիր), Նաինիթա Դեսայ (Ֆիլմերի ու հեռուստատեսային հաղորդումների, ինչպես նաև BBC, HBO, ITV, C4 նման առաջատար հեռարձակող ընկերությունների կոմպոզիտոր, «Music+Sound» պարգևի և «BAFTA Breakthrough Brits 2016–2017»-ի մրցանակակիր), Նիլ Բրենդ (ֆիլմերին նվագակցող դաշնակահար, որը լավագույններից է աշխարհում), ինչպես նաև ուկրաինացի կոմպոզիտոր Ալլա Զահայկևիչը (ուկրաինական կինոարվեստի ակադեմիայի «Золота дзиґа» (Golden Dzyga) մրցանակակիր՝ լավագույն կոմպոզիտոր անվանակարգում): 

Ծրագրում առաջին անգամ՝ ստեղծարար աշխատանոցի շրջանակներում, «Envision Sound»-ի մասնակիցները հնարավորություն կունենան իրենց երաժշտությունը ձայնագրել Կիևի Ֆանտաստիկ Նավագախմբի հետ: Առաջարկում ենք դիտել կարճ տեսագրությունը, որտեղ նվագախումբը, Նատալիա Սթետսի խմբավորությամբ , 2019 թվականի փետրվարին կատարում է Ալֆրեդ Հիչքոքի «Նենգասպառնալիք» ֆիլմի սաունդթրեքը: Մասնակիցները նաև հնարավորություն կունենան աշխատել մենակատարների հետ:

Ինչպես միշտ, ծրագրի ավարտից հետո մենք, Դովժենկոյի կենտրոնի հետ համատեղ, դրամաշնորհներ կառաջարկենք՝ աջակցելու ստեղծարար աշխատանոցներում կոմպոզիտորների մշակված նախագծերի իրականցմանը:

«Envision Sound 2019-20» համակարգողն է լինելու Ալլա Զահայկևիչը:

«Գործնական պարապունքների ժամանակ մենք արդյունավետ գործնական հարաբերություններ ենք հաստատել հիանալի մի կինոռեժիսորի հետ, և այժմ միասին աշխատում ենք այս հոյակապ ֆիլմի վրա, որն արդեն կա IMDB-ում (IMDB՝ Ինտերնետային ֆիլմադարան «Internet Movie Database»): Ինչպես նաև շատ օգտակար խորհուրդներ ենք ստանում ծրագրի խորհրդատուներից»,- ասում են Լուկա Լեբանիձեն և Զվիադ Մգեբրիշվիլին՝ «Envision Sound» 2018-19 թթ. վրացի մասնակիցները:

Մասնակիցներ

Ծրագրին կմասնակցեն 12 կոմպոզիտոր: Նրանցից 6-ը կլինեն Ուկրաինայից, իսկ մնացած 6-ը՝ Ղազախստանից և մյուս հյուր-երկրներից՝ Ալբանիայից, Հայաստանից, Ադրբեջանից, Բոսնիա և Հերցեգովինայից, Վրաստանից, Իսրայելից, Կոսովոյից, Մոնտենեգրոյից, Հյուսիսային Մակեդոնիայից, Սերբիայից, Թուրքիայից և Ուզբեկստանից: 

Անհրաժեշտ պայմաններ

Ծրագրի մասնակիցները պետք է՝

  • լինեն իրենց ստեղծագործական կարիերիայի սկզբում գտնվող և ձգտումներ ունեցող կոմպոզիտորներ, որոնք ունեն առնվազն երկու ավարտուն ստեղծագործություն՝ ցանկացած ժանրի ֆիլմի կամ հեռուստատեսային հաղորդման համար
  • ունենան անգլերենի իմացության առնվազն B2 մակարդակ
  • լինեն Ուկրաինայի կամ հետևյալ երկրներից որևէ մեկի՝ Ալբանիայի, Հայաստանի, Ադրբեջանի, Բոսնիա և Հերցեգովինայի, Վրաստանի, Իսրայելի, Կոսովոյի, Մոնտենեգրոյի, Հյուսիսային Մակեդոնիայի, Սերբիայի, Թուրքիայի կամ Ուզբեկստանի քաղաքացի։
  • կարողանան մասնակցել 2020 թ. հունվարի 20-24 տեղի ունեցող սեմինարներին ու այլ ծրագրային միջոցառումներին:

Մենք ուրախ կլինենք ծրագրի մասնակիցների շարքում տեսնել բազմազան երաժշտական ոճերի մեջ տարատեսակ փորձառություններ ունեցող մարդկանց:

Ինչպես դիմել

Խնդրում ենք լրացնել առցանց դիմում-հայտը անգլերենով, կցել Ձեր վերջին ստեղծագործություններից 2-3ը՝ նոտաներով, և ուղարկել մինչև 2019 թ. օգոստոսի 4-ը: Կցված երաժշտական գործերից առնվազն մեկը պետք է գրված լինի ֆիլմի կամ տեսահոլովակի համար: Մեկ ստեղծագործության տևողությունը չպետք է գերազանցի 15 րոպեն: 

Ծախսերը

«Envision Sound» ծրագրին մասնակցությունն անվճար է: Մենք կհոգանք Կիևում չբնակվող մասնակիցների ճամփորդական (թռիչք, գնացք, ավտոբուս), ինչպես նաև հյուրանոցային ծախսերը:

Հիմնական ժամկետները

Դիմելու մեկնարկ՝ 2019 թ. հունիսի 19

Դիմելու վերջնաժամկետ՝ 2019 թ. օգոստոսի 4

Մասնակիցների հայտարարում՝ 2019 թ. սեպտեմբերի 16

Տնային առաջադրանք՝ 2019 թ. նոյեմբերի 4-11

«Envision Sound» ծրագիրը Կիևում՝ 2020 թ. հունվարի 20-24

Եզրափակից փուլ անցած մասնակցիների, որոնք կստանան դրամաշնորհ, կհայտատարվեն 2020 թ.-ի փետրվարին:  

Ծրագրի աշխատանքային լեզուն լինելու է անգլերենը, ինչպես նաև ուկրաիներենն ու ռուսերենը՝ անգլերենից համաժամանակյա թարգմանությամբ: