Հաճախորդների սպասարկման մեր մասնագետները տրամադրում  են ուղեցույց Բրիտանական խորհրդի, ծրագրերի և միջոցառումների վերաբերյալ:

Մեր թիմը խորհրդատվությունը տրամադրում է անվճար, սակայն Բրիտանական խորհրդի որոշ ծառայություններ վճարովի են:

Մեզ համար կարևոր է ձեր կարծիքը

Բրիտանական խորհուրդը կարևորում է բաց, որակյալ և մատչելի ծառայության տրամադրումը: Մենք ցանկանում ենք ձեր փորձառությունը դարձնել օգտակար: Մենք ցանկանում ենք լսել ձեր կարծիքը, եթե օգտվել եք մեր ծառայություններից կամ շփվել հաճախորդների սպասարկման մեր մասնագետի հետ:

Մենք տեղյակ ենք, որ երբեմն ամեն ինչ այնպես չէ ընթանում, ինչպես պլանավորել էինք, այդ իսկ պատճառով մենք մշակել ենք բողոքի ներկայացման կարգ: Եթե դուք դիտարկում կամ բողոք ունեք, մենք ուրախ կլինենք, եթե դուք խոսեք մեզ հետ, քանի որ դա կօգնի մեզ սովորել մեր սխալներից և բարելավել մեր ծառայությունները:

Ի՞նչ ենք մենք առաջարկում

Անկախ այն հանգամանքից, թե որն է ձեր բողոքի առարկան, աշխարհի որ անկյունից եք դուք մեզ հետ կապ հաստատում և ինչպես, մենք ամենայն լրջությամբ ենք մոտենում ձեր խնդրի լուծմանը: Մեր նպատակն է հետևել ձեր խնդրին երեք օրվա ընթացքում և ամբողջական լուծում տալ տասն օրվա ընթացքում: Եթե ձեր խնդրի լուծումն ավելի համապարփակ մոտեցում և ժամանակ է պահանջում, ապա մենք տեղյակ կպահենք ձեզ այդ մասին:

Երբեմն, որոշակի իրավիճակներում, մենք միայն կարող ենք հայցել ձեր ներողամտությունը, սակայն մենք հաշվի ենք առնում ձեր կարծիքը մեր աշխատանքի հետագա բարելավման համար: 

Բողոքի ներկայացման կարգը

Եթե ցանկանում եք ներկայացնել ձեր բողոքը, ապա կարող եք մեզ հետ կապ հաստատել նամակի (info@britishcouncil.am) կամ հեռախոսակապի (010552945) միջոցով: Մենք, սակայն նախընտրում ենք գրավոր տարբերակը: Բողոքը պետք է ներկայացնել դեպքից հետո 90 օրվա ընթացքում կամ էլ հենց նույն օրը:

Միացյալ Թագավորությունից դուրս

Կապ հաստատեք Հայաստանի մասնաճյուղի հետ հետ:

Միացյալ Թագավորությունում

Կապ հաստատեք Միացյալ Թագավորության գրասենյակի` հաճախորդների աջակցության կենտրոնի հետ:

  • Հեռախոսահամար` +44 (0)161 957 7755
  • Լրացրեք դիմումի ձևը կայքում
  • Գրեք հետևյալ հասցեով`

British Council Customer Service UK, Bridgewater House, 58 Whitworth Street, Manchester M1 6BB, UK

Խնդրում ենք հաշվի առնել, որ մենք կարող ենք քննարկել միայն անձնական տեղեկություն և ընթացք տալ մեր հաճախորդների բողոքներին:

Դուք գուցե ցանկություն հայտնեք, որպեսզի ձեր փոխարեն մեզ հետ կապ հաստատեն այլ մարդիկ կամ կազմակերպություններ: Նրանք կարող են լինել խորհրդատու կազմակերպություններ, այլ մասնագետներ կամ ընտանիքի անդամներ և ընկերներ: Այս պարագայում, սակայն նրանք պետք է ներկայացնեն ձեր գրավոր թույլտվությունը: Լրացուցիչ տեղեկություն դուք կարող եք ստանալ` կապ հաստատելով մեզ հետ:

Ինչպե՞ս է ընթացք տրվում ձեր բողոքին

Մեր նպատակն է լուծել ձեր խնդիրը մեզ հետ կապ հաստատելու առաջին իսկ օրը: Մեր աշխատակիցն ամեն ինչ կանի այն արագորեն լուծելու համար, սակայն հնարավոր է, որ կարիք լինի ներգրավել այլ աշխատակիցների:

Հաճախ դուք ձեր պատասխանը կստանաք այդ բաժնի աշխատակցից: Հազվադեպ, եթե բողոքը լուրջ բնույթ է կրում, այն կարող է ներկայացվել այլ բաժիններին: Լրացուցիչ տեղեկություն ձեզ կտրամադրվի այն լուծելու դեպքում:

Հատուցում

Մեր նպատակն է հետևել ձեր խնդիրներին և արագորեն լուծում տալ այն չբարդացնելու նպատակով: 

Մենք ցանկանում ենք արագորեն հանգուցալուծել ձեր հարցը, սակայն  բարդացման դեպքում մենք պատրաստ ենք`

  • Անհապաղ ներողություն խնդրել և ստանձնել պատասխանատվությունը;
  • Բացատրել, թե ինչն է սխալմունքի պատճառը;
  • Անմիջապես շտկել սխալը;
  • Դասեր քաղել և բարելավել մեր ծառայությունները:

Գաղտնիությունը

Ձեր բողոքին ընթացք կտրվի գաղտնիության պայմաններում` մեր գաղտնիության քաղաքականությանը համապատասխան: Ձեր տեղեկությունը կներկայացվի միայն ներքին կարգով: Մենք ձեր տեղեկությունը կներկայացնենք երրորդ կողմին միայն ձեր թույլտվությամբ կամ օրենքի պահանջով:

Միացյալ Թագավորության տվյալների պաշտպանության օրենքի համաձայն դուք կարող եք պահանջել ձեր մասին մեր ունեցած տեղեկության օրինակը և պահանջել, որպեսզի մենք շտկենք անճշգրտությունները: 

Լրացուցիչ տեղեկությունների համար այցելեք մեր կայքը:

Արտաքին դիտարկում

Եթե Ձեր բողոքը լուրջ բնույթ է կրում և քննարկվել է ներքին ամենաբարձր մակարդակով, սակայն լուծում չի ստացել, ապա մենք ձեզ կտրամադրենք տեղեկություն այն մասին, թե ինչպես է այն քննարկվելու մեր հետաքննական անկախ մարմնի կողմից: 

Մատչելիություն

Եթե մենք չենք կարող պատասխանել ձեր հարցին անմիջականորեն, ապա ձեր հարցը կներկայցնենք մեր կազմակերպության այն անդամին, ով կարող է լուծում տալ: Եթե դուք հարց ունեք, սակայն չգիտեք, թե ում հետ կարող եք կապ հաստատել, ապա մենք ձեզ կուղղորդենք` դիմելու ճիշտ մարդու: Մեր նպատակն է մեր տրամադրած տեղեկությունը ներկայացնել այնքան մատչելի, որքան հնարավոր է: Անհրաժեշտության դեպքում մենք կարող ենք տեղեկությունը ներկայացնել տարբեր ձևաչափերով` օրինակ բրեյլով: