Անգլերենի դասավանդման համար տրվող միջազգային մրցանակ

Էլթոնս մրցանակը շնորհվում է անգլերենի դասավանդման  և ուսուցման ոլորտում նորարարական մոտեցումներ առաջարկող  և կիրառական նշանակություն ունեցող ռեսուրսների, հրապարակումների, նախագծերի, հավելվածների կամ հարթակների ստեղծման համար։ 

Մրցանակը կարող է շնորհվել նաև այն կազմակերպություններին, խմբերին և անհատներին, որոնց մշակած մոտեցումները կարող են ապագայում ձևավորել անգլերենի դասավանդման և ուսուցման նորարարական մեթոդներ: 

Մրցանակային անվանակարգեր 

Նորարարական դասընթաց, որը ենթադրում է դասընթացի թարմ բովանդակություն, ձևաչափ և մեդիա նյութերի կիրառում, որոնք  կօգնեն սովորողներին բարելավել անգլերենի իմացության մակադակը: 

Դասավանդման ռեսուրսների նորարարություն. կարող են ներառել այնպիսի ռեսուրսներ, որոնք կօգնեն անգլերեն դասավանդողներին ուսուցիչների վերապատրաստման, կրթության կամ շարունակական մասնագիտական զարգացման միջոցով: 

Ուսուցողական նյութերի նորարարություն անվանակարգում կարող են ընդունվել այնպիսի ծառայություններ, գործողություններ, նյութեր կամ աշխատանքներ, որոնք նորարարական մեթոդներով կբարելավեն սովորողների անգլերենի իմացությունը, ներառյալ բառապաշարը, քերականությունը, խոսքի սահունությունը և այնպիսի հմտություների զարգացումը, որոնք կխթանեն լեզվի ուսուցումը սովորելու, աշխատանքի  կամ ամենօրյա շփման ժամանակ: 

Թվային նորարարություն, որը ենթադրում է տեխնոլոգիայի կամ մեդիա նյութերի կիրառում, առկա տեխնոլոգիաների նորովի օգտագործում, որը կապահովի անգլերենի բարձրորակ ուսուցում: 

Տեղական նորարարություն (Քեմբրիջ Անգլերենի Գնահատման գործընկերությամբ). այնպիսի ռեսուրսների և նախագծերի մշակում, որոնք միտված կլինեն անգլերենի դասավանդման որակի բարձրացմանը՝ կոնկրետ տարածքի, երկրի կամ տարածաշրջանի մակադակով:

Ներկայացրեք ձեր դիմումը մինչև 2019 թ.-ի նոյեմբերի 8-ը: Այցելելք մեր English Agenda կայք դիմումի ձևի և ուղեցույցի մասին ավելի մանրամասն տեղեկատվության համար: