Եթե ցանկանում եք քննություն հանձնել ՄԹ-ի կրթական հաստատություններն ընդունվելու կամ ուսումը շարունակելու համար, ապա կարող եք դիմել Բրիտանական խորհրդի հայաստանյան մասնաճյուղ: Լինելով պաշտոնական և լիազորված կենտրոն Հայաստանում` Բրիտանական խորհրդի հայաստանյան մասնաճյուղը հանդիսանում է կրթական օղակ Հայաստանի և ՄԹ-ի միջև:
Ընդունելության քննություններ
Ընդունելության քննությունները գնահատում են լեզվի այն հմտությունները, որոնք անհրաժեշտ են բարձրագույն կրթական համակարգում և տարբեր ծրագրերում ուսանելու համար: ՄԹ-ի համալսարանի ընդունելության քննությունները կայանում են նոյեմբեր ամսին` BMAT (Կենսաբժշկական բաժնի ընդունելության քննություն), ELAT (Անգլիական գրականության բաժնի ընդունելության քննություն) , Oxford TSA (Մտածողության հմտությունների գնահատում), HAT (Պատմության քննություն ), PAT (Ֆիզիկայի քննություն), MAT (Մաթեմատիկայի քննություն), OLAT (Արևելյան լեզուների քննություն ), CAT (Դասականության քննություն), MLAT (Ժամանակակից լեզուների քննություն):
Հեռակա ուսուցում
Մենք կազմակերպում ենք քննություններ ՄԹ-ի համալասարանների և քոլեջների համար:
Լոնդոնի համալսարան
Լոնդոնի համալսարանն աշխարհի առաջատար ակադեմիական համալսարաններից է, որը միջազգայնորեն ճանաչված է որպես գերազանցության կենտրոն: Այն աշխարհի 20 առաջատար քոլեջների և համալսարանների միավորում է: Համալսարանի անձնակազմի և շրջանավարտների շրջանում կան շուրջ 55 նոբելյան մրցանակակիրներ և 35 ներկա ու նախկին պետական կառավարիչներ:
Լոնդոնի համալսարանի ընդունելությունը հասանելի դարձավ 1858թ.-ին միջազգային ծրագրերի միջոցով: Այսօր Լոնդոնի համալսարանն ունի 100 տարբեր ծրագրերում սովորող ավելի քան 40 000 ուսանող շուրջ 180 երկրներից:
Բաց համալսարան
Բաց համալսարանը հեռակա ուցուսման միակ համալսարանն է ՄԹ-ում:
Քննությունների վճարներ և կանոններ
Վճարումները կատարվում են քննության կազմակերպման և նյութերի առաքման համար: Վճարումները կատարում է հաստատությունը կամ քննության թեկնածուները:
Քննության գինը կախված է քննության տեսակից, տևողությունից, թեկնածուների քանակից և երբեմն վարչական գնից, եթե մեր կենտրոնն է վճարում գործընկեր հաստատությանը:
Առարկում և հրաժարում
Բրիտանական խորհուրդը և քննական մարմիններն անում են հնարավորին ամեն ինչ լավ ծառայություն մատուցելու համար: Այնուամենայնիվ, մենք չենք կարող պատասխանատվություն կրել այն հանգամանքների համար, որոնք մեր վերահսկողությունից դուրս են և հուսով ենք, որ Դուք անաչառ եք մոտենում այդ փաստին: Քննության ընթացակարգի որևէ խախտման դեպքում մենք անում ենք հնարավորին ամեն ինչ` արագ շտկելու իրավիճակը: Բրիտանական խորհուրդը կրում է սահմանափակ պատասխանատվություն քննության վճարի փոխհատուցման կամ քննության օրվա փոփոխման հարցերում:
Ձեզ հարկավոր է հավելյալ տեղեկատվությու՞ն
Վերոհիշյալ ցուցակը սահմափակ չէ: Մենք կարող ենք քննություններ իրականացնել բրիտանական կրթական այլ հաստատությունների կողմից:
Մանրամասների համար կարող եք զանգահարել 010 552945, կամ հետևել մեզ Facebook-ում: