IELTS թեստի չեղարկումը

Ծանոթագրություն. Այս քաղաքականությունը կիրառվում է միայն IELTS ընդհանուր և ակադեմիական թեստերի դեպքում։ IELTS Վիզաների և ներգաղթի համար (UKVI) թեստի չեղարկման և ամսաթվի փոփոխման քաղաքականությանը կարող եք ծանոթանալ այստեղ։ 

IELTS  թղթային եղանակով թեստի օրից առնվազն հինգ շաբաթվա և համակարգչային եղանակով` առնվազն երկու շաբաթվա ընթացքում թեստը չեղարկելու դեպքում Ձեր վճարը կփոխհատուցվի ` թեստի արժեքի 25% չափով վարչական վճարի հետպահումով:

Խնդրում ենք նկատի ունենալ, որ փոխհատուցման գործընթացը կարող է տևել չորսից վեց շաբաթ։

Թեստի վճարը փոխհատուցման ենթակա չէ, եթե այն չի ներկայացվել վերոնշյալ ժամկետներներում, բացառությամբ հետևյալ դեպքերի`

  • լուրջ առողջական խնդիրներ, որոնք թույլ չեն տալիս ներկայանալ թեստի օրը կամ ինչպես հարկն է հանձնել թեստը
  • ծանր կորստի, օրինակ ընտանիքի անդամի կորստի
  •  տրավմաների կամ բարդ իրավիճակների այլ դեպքերի ապացույց, օրինակ վթարի ենթարկվելու հանգամանք
  • զինվորական ծառայության

IELTS ակադեմիական կամ ընդհանուր թեստը չեղարկելու համար, խնդրում ենք մուտք գործել Թեստ հանձնողի հարթակ և ներբեռնել համապատասխան դիմումը` հավաստող տեղեկանքի հետ։ 

IELTS UKVI թեստը չեղարկելու համար խնդրում ենք լրացնել մեր «Փոխհատուցման դիմում» կամ «Թեստի ամսաթվի փոփոխման» ձևաթուղթը և ուղարկել այն մեր էլ. հասցեին։ Խնդրում ենք նկատի ունենալ, որ ձևաթուղթը պետք է ստորագրված լինի Ձեր կողմից: Փաստաթղթերը կարող եք գտնել այս էջի ներքևում`՝ ներբեռնում բաժնում:

Եթե թեստի օրը հիվանդությունը հաստատող բժշկական տեղեկանքի բնօրինակը «Փոխհատուցման դիմումի» կամ «Թեստի ամսաթվի փոփոխման» ձևաթղթի հետ միասին տրամադրվի թեստից հետո հինգ աշխատանքային օրվա ընթացքում, ապա վճարը կփոխհատուցվի՝ թեստի 25% վարչական վճարի հետպահումով:

Ընդունելի են միայն բժշկական տեղեկանքի բնօրինակը` հայերենով կամ անգլերենով։ Եթե պահանջվող երկու փաստաթղթերը չտրամադրվի հինգ աշխատանքային օրվա ընթացքում, ապա կհամարվեք բացակա, ինչը ենթակա չի լինի որևէ առարկման:

Ֆաքսով կամ փոստով ուղարկված պատճենները չեն ընդունվում:  

Խնդրում ենք նկատի ունենալ, որ ընտանիքի անդամների կողմից տրված հիվանդության մասին հաղորդագրությունները չեն ընդունում։  

Թեստի օրվա փոփոխման դիմում

Եթե ցանկանում եք փոխել արդեն գրանցված թեստի ամսաթիվը, ապա կարող եք դիմել թեստի օրվա անվճար փոփոխման  IELTS թղթային թեստին նախորդող մինչև հինգ շաբաթվա և համակարգչային թեստին նախորդող մինչև երկու շաբաթվա ընթացքում։   

Խնդրում ենք ի նկատի ունենալ, որ թեստի նոր ամսաթիվը պետք է լինի սկզբնական ամսաթվից երեք ամիս ժամանակահատվածից ոչ ուշ: Հիվանդության դեպքերում փոփոխությունը հնարավոր է թեստի ամսաթվից հինգ շաբաթվա ընթացքում, եթե բժշկական տեղեկանքի բնօրինակը տրամադրվի թեստի ամսաթվից սկսած հինգ աշխատանքային օրվա ընթացքում՝ «Փոխհատուցման դիմումի» կամ «Թեստի ամսաթվի փոփոխման» ձևաթղթերի հետ միասին:

Եթե երկրորդ անգամ թեստի ամսաթվի փոփոխման դիմում ներկայացնեք (թեստից առաջ կամ հիվանդության պատճառով) և չներկայանաք թեստին, ապա չեք ունենա վճարի փոխհատուցման և ևս մեկ անգամ ամսաթիվը փոխելու հնարավորություն: