IELTS One Skill Retake, image

Ի՞նչ է  IELTS One Skill Retake-ը և ինչպե՞ս է այն աշխատում:

IELTS One Skill Retake-ը նոր հնարավորություն է՝ նախատեսված  օգնելու Ձեզ ստանալ թեստի Ձեր ցանկալի միավորը առանց ամբողջական թեստը վերահանձնելու: Եթե ցանկանում եք բարելավել թեստի մեկ հմտության Ձեր գնահատականը, կարող եք վերահանձնել IELTS-ի չորս հմտություններից որևէ մեկը՝ լսողական, ընթերցանություն,բանավոր և գրավոր։

IELTS One Skill Retake-ը հանձնելու առավելությունները

  • Կենտրոնացեք մեկ հմտության վրա: Եթե առաջին թեստի ժամանակ չեք հասել առավելագույն արդյունքի,ապա One Skills Retake-ը Ձեզ երկրորդ հնարավորություն է ընձեռում՝ ցույց տալու Ձեր  անգլերենի մակարդակը և բարելավելու Ձեր գնահատականը մեկ բաժնում առանց ամբողջական թեստը վերահանձնելու: Խնայեք ժամանակ և գումար՝ հանձնելով թեստի միայն մեկ հմտությունը, այլ ոչ թե կրկին բոլոր չորս հմտությունները:
  • Հանձնեք այն թեստը որը գիտեք: IELTS One Skill Retake-ը աշխատում է նույն ձևաչափով և ժամանակացույցով, ինչպես ստանդարտ IELTS թեստը: Սա նշանակում է, որ Դուք արդեն ծանոթ կլինեք թեստին: Պետք չէ անհանգստանալ նոր քննությանը պատրաստվելու և առաջադրանքների տարբեր տեսակներ սովորելու համար:
  • Ստացեք թեստի վկայականի նոր տարբերակ: Դուք կստանաք  IELTS թեստի նոր վկայականը ձեր IELTS One Skill Retake միավորով: Այն ներառում է նաև Ձեր սկզբնական թեստի միավորները և CEFR-ի ընդհանուր գնահատականը: Ձեր արդյունքներն ուժի մեջ կլինեն սկզբնական թեստի օրվանից երկու տարի, որը կարող եք գտնել Ձեր թեստի վկայականի վրա:
  • Ձեր սկզբնական թեստի միավորները կմնան նույնը: Ձեր սկզբնական թեստի մյուս միավորները չեն փոփոխվի:  Ձեր արդյունքները ստանալիս հնարավորություն ունեք օգտագործել Ձեր սկզբնական միավորը, եթե այդպես նախընտրեք։

Ինչպե՞ս գրանցվել IELTS մեկ հմտության վերահանձման թեստին։ 

  • Թեստը կարող եք ամրագրել, եթե վերջերս եք հանձնել IELTS-ի համակարգչային ամբողջական թեստը:
  •  Պետք է նաև ստացած լինեք Ձեր արդյունքները թեստային կենտրոնից, որն առաջարկում է IELTS One Skill Retake-ը:
  •  Կարող եք սկզբնական թեստից վերահանձնել մեկ հմտություն միայն մեկ անգամ և պետք է հանձնեք One Skill Retake-ը Ձեր սկզբնական թեստից հետո 60 օրվա ընթացքում:
  • Մուտք գործեք Ձեր քննության գրանցման  հարթակ, այնտեղ կգտնեք Ձեր գնահատականը։ Եթե ցանկանում եք վերահանձնել միայն մեկ հմտություն, ապա սեղմեք այն հմտության վրա , որ ցանկանում եք վերահանձնել։

Այլ հղումներ