Բրիտանական խորհուրդը Քալվերթ ամսագրի հետ համագործակցությամբ սկսում է նախագիծ` ներկայացնելու Արևելյան Եվրոպայի քաղաքներում, այդ թվում Երևանում, ստեղծագործ անհատների և նորարար նախագծերի մասին պատմող շարք։ 

Այս նախագծի միջոցով ցանկանում ենք ներկայացնել նորարար մտքերով և նախաձեռնություններով անհատների և բացահայտել ոգեշնչող պատմություններ ու ստեղծարար տարածքներ, որոնք կերտում են մեր քաղաքի ստեղծարար լանդշաֆտը։ Քալվերթ ամսագիրը պատրաստելու է Երևանի մասին ծավալուն անդրադարձ, որը լայն հանրությանը ճանաչելի կդարձնի և կբարձրացնի հետաքրքրություն մեր քաղաքի նկատմամբ։ Նախագիծը կներկայացնի նոր պատմություններ մեր տարածաշրջանից, կիրազեկի նորահայտ արտիստների, մշակույթի գործիչների  և ձեռներեցների մասին, որոնք հարստացնում են քաղաքի մշակութային ներկապնակը  և դիրքավորում այն որպես տարածաշրջանային ստեղծարար կենտրոն։ Երևանի մշակութային և ստեղծարար կյանքի մասին անդրադարձը կհրապարակվի Քալվերթ ամսագրում մինչ ընթացիկ տարվա ավարտը։ 

Եթե աշխատում եք ստեղծարար կամ մշակույթի ոլորտում, կարող եք ներկայացնել Ձեր պատմությունը այս էջի ներքևում տեղադրված հղմամբ։ 

Հայտերի ընդունման վերջնաժամկետն է հուլիսի 31-ը։